'Ray' Lauffer lo bai focus poko mas riba su karera komo solista


TRENDSZ a hiba un kòmbersashon, ku e popular kantante lokal, Raynor ‘Ray’ Lauffer. Esaki riba algun plan ku e tin pendiente. ‘Ray’, no mester muchu introdukshon, pero laga nos refresh bo... den pasado e’la forma parti di G.M.O., Dreams i awor e ta forma parti di un di e agrupashonnan musikal mas eksitoso na Kòrsou, Gentz. Miéntras ku tambe e ta move den e konstelashon mas chikí, formá pa Juni Juliet, Randy Leroy i su mes persona.

‘Ray’ su desaroyo den farándula sigur ta algu notabel i ta hasié un di e kantantenan mas gustá aktualmente. ‘Ray’ a sa di pega numeroso hit, manera entre otro "Brasa’mi" "Mucha Kruel”, "Nada pa niun hende" i sin konta e ‘cover songs’ nan ku ‘Ray’ a sa di interpretá.

Durante di e kombersashon ku TRENDSZ, ‘E promé finalista di Festival di Tumba 2018, a deklará lo siguiente: "Esaki ta un aña ku lo mi bai pone aún mas atenshon riba mi karera komo kantante solista. Aktualmente mi ta trahando riba un ‘track’ yamá “Kilómetros”, ku ta pendiente pa sali huntu ku su clip, pero mi no tin e fecha eksakto ainda. Ademas di esakinan, lo mi bai saka un personal EP ku ta konsistí di mas o ménos 5 ‘track’, ku tambe lo sali e aña aki. Finalmente mi mester bisa tambe ku mi ta pendiente pa algun kolaborashon ku diferente artista internashonal. Nan ta na kaminda, pues ta simplemente keda pendiente pa pronto mas detaye”.

#NEWS #CURACAO

Featured News
Recent News
Archive
Search By Tags