Mason pendiente pa manda yen kos nobo kaya


TRENDSZ a hiba un kombersashon kòrtiku ku e konosido artista, kantante i rapper Mason. Ta trata aki di artista konosí den Urban, kende a pega hitnan manera entre otro ‘Traha p’e’, ‘Abo mi ke’, unda e la ft Chaika i tambe ‘Make up, Break up’.

Durante di e kombersashon, a elaborá riba plannan pa futuro, unda Mason a splika di tin yen kos nobo kla, ku ta pendiente pa bai kaya. “Mi tin kasi 2 álbum di músika trahá sin nan sali kaya ainda. Mi no sa presisamente tampoko ainda, ki dia lo mi saka nan. Mi no ta aktivo den bista, pero si ta move hopi tras di kortina i den silensio.

Tambe mi ta aktivo den studio tur ora, pero pronto mi fanátikonan i tur esnan di bon ambiente i ku ta sigui farándula, lo haña kosnan nobo di mi, ora ku mi pone un álbum riba merkado. E posibel nòmber di mi álbum, lo por bira ‘Peepertjees’, ounke ku e no ta sigur ainda si. Gewon mi tin hopi músika trahá i ta wardando e momentu eksakto pa saka nan, pues un i tur mester keda pendiente”, Mason a duna di konosé.

Pa loke ta kosnan ku por spera, manera e artista mes a konfirmá, tin entre otro piesanan “Mi ke Bo den mi Life’ ft Nkira, ‘Okay’, unda e ta ft QD, ‘Telephone ft Randy Leroy i tambe ‘Nan no por ku mi gas’, ft Tsean i algun otro. Pues prueba ku bèrdat tin hopi kos pendiente i kosnan huntu ku otro artistanan ku tambe ta bon konosí den farándula lokal, kual ta motibu bèrdat, ku un i tur por ta pendiente, pa asina pronto keda malkriá ku e produkshonnan di e artista yu di Kòrsou, Mason.

#NEWS #CURACAO #URBAN

Related Posts

See All
Featured News
Recent News
Archive
Search By Tags