Farruko, Damian Marley i Grace Jones pa CNSJ 2018


Ku masha satisfakshon i ku gran plaser organisashon di Curacao North Sea Jazz Festival atrobe por anunsiá e nòmbernan nobo pa e di ocho edishon di e festival ku lo tuma lugá riba dianan 30 i 31 di ougὺstὺs i promé di sèptèmber di aña 2018. Riba djaweps 30 di ougὺstὺs Farruko a keda añadí na e programa difestival. Ademas di esei tambe Damian Marley i Grace Jones ta bini Kòrsou e aña aki. Den mesun rosea por anunsiá tambe ku tur konfiansa binida di Patti LaBelle, KC & The Sunshine Band, Kamasi Washington i Burt Bacharach.

Farruko, su nòmber bèrdadero ta Carlos Efren Reyes, nasé na Puerto Rico, ta un kantante di músika pòp i di reggaetòn i di mes di músika Latino. Ya na edat di 16 aña el a kuminsá bou di su nòmber artístiko pone su piesanan musikal riba MySpace. Entre tanto ya e tin seis álbum riba su nòmber i el a keda nominá vários bes pa e galardon di Latin Grammy Awards. Su último álbum a sali na aña 2017, Trapficante ku tabatin komo kontenido un meskla di reggaetòn i pòp urban ku un tinto fuerte di trap latino.

Damian “Jr. Gong” Marley ta e yu mas chikitu di Bob Marley; e tabatin apenas dos aña dia su famoso tata a fayesé. Damian a haña e nòmber di kariño ‘Jr Gong’ na honor di su tata Bob, o sea ‘Tuff Gong’. Marley a saka na yuni di aña 2017 su di kuater álbum Stony Hill , ku a sòru pa e haña su di tres Grammy tras di otro siendo ku esaki a resultá e Mihó Album di Reggae.

Ku hitnan manera I’ve Seen That Face Before, La Vie en Rose, Pull Up To The Bumper i To The Rhythm Grace Jones a definí den añanan ’80 e esenanan di pòp i e esenanan di baile. Su último álbum Hurricane ya ta data for di aña 2008, pero Jones no ta keda sinta ketu: realidat ta ku el a hasi un gira e zomer ku a pasa ei pa festivalnan di Europa i el a traha na 2017 huntu ku e banda virtual britániko Gorillaz.

Patti Labelle, ku tin su nòmber di kariño “The Godmother of Soul” ( Madrina di Soul), a bende riba henter mundu mas di sinkuenta mion álbum atrabes di un karera ku ta surpasá un temporada di sinkuenta aña. LaBelle a kuminsá su karera musikal komo e kantante prinsipal di e grupo Patti LaBelle and the Bluebelles. Despues ku na prinsipio di añanan setenta nan a kambia di nòmber den Labelle, e grupo a saka e disko ku entre tanto a para bira ikóniko Lady Marmalade, ku a bin resultá den un hit mundial. Aña pasá Patti LaBelle a saka su promé álbum di Jazz. Bel Hommage.

KC and The Sunshine Band ta un banda merikano di e estilo ‘disco i funk’ ku a keda nombrá manera ta e fam di Harry Wayne Casey (KC) y e nòmber di kariño di su estado kasero Florida (‘the Sunshine State’). Despues ku nan a estrená na aña 1973 e banda a bira famoso ku hopi hit grandi, entre otro: That’s the Way (I Like It), (Shake, Shake) Shake Your Body, Keep it Comin’ Love, Get Down Tonight, Please Don’t go i Give It Up.

Saksofonista, kompositor, direktor di orkesta i produktor Kamasi Washington a krese na siudat di Los Angeles ku su mayornan musikal i ya for di hóben e tabata okupá su mes ku muzik. Ku su tripel disko The Epic el a hasi su debut manera sa ta e kaso di un soño loke a enkantá e krítikonan. Ademas di esaki el a duna un kontribushon grandioso na e proyekto To Pimp A Butterfly, e álbum eksitoso di Kendrick Lamar. Washington ta forma parti di West Coast Get Down, un kolektivo influyente di músikonan di Jazz na e siudat di Los Angeles na Merka. Kasi henter mundu konosé konsientemente o inkonsientemente un kansion skirbí pa Burt Bacharach. E maestro kompositor a komponé mayoria di su klásikonan huntu ku e skirbidó di teksto Hal David. Piesanan manera Walk On By, What The World Needs Now Is Love i I Say a Little Prayer ta un muestra chikitu di e repertorio grandioso di e leyenda bibu.

CURAÇAO NORTH SEA JAZZ FESTIVAL 2018 World Trade Center Piscadera Bay Djaweps 30 di ougùstùs:

Silvestre Dangond, Farruko Djabierne 31 di ougùstùs:

Jason Derulo, Sean Paul, Patti LaBelle, Damian “Jr. Gong” Marly, Spyro Gyra, Kamasi Washington Djasabra 1 di sèptèmber:

Carlos Vives, Grace Jones, KC & The Sunshine Band, Burt Bacharach, Michel Camilo Trio

#NEWS #CURACAO #CNSJ

Featured News
Recent News
Archive
Search By Tags