Harvey Isidora di ONE pa 99% lo pasa pa Fenty Music di Boneiru


Informashon ku TRENDSZ a risibí, ku inkluso a keda konfirmá, pa gerente di e agrupashon musikal Fenty Music, di Boneiru, ta indiká ku e banda ta den negoshashon ku e kantante yu di Kòrsou Harvey Isidora. Esaki despues ku Isidora a bai establesé su mes na Boneiru i ta pendiente pa finalisá su kosnan personal, promé ku e atendé ku músika. Harvey Isidora ta konosí den mundu di Urban i ta èks kantante di e agrupashon musikal O.N.E.

Mas aleu, Fenty Music tin tambe un integrante nobo, ku tambe porsierto ta un yu di Kòrsou, ku a pasa pa forma parti di e agrupashon musikal. Ta trata aki di e kantante, tambe di nòmber Harvey, kende ta Harvey Muzo, ku ta èks kantante di entre otro e agrupashonnan musikal No Game, 509, i D-Edge Band. Harvey Muzo tambe a bai establesé su mes na Boneiru i a djòin e famia di Fenty. TRENDSZ por informá bo, ku pa dia 28 di aprel próksimo, e kantante lo hasi su debut ofisialmente den Fenty Music. Esaki lo bai ta den un fiesta ku tin basta espektativa p’e.

E fiesta aki, lo konta ku animashon musikal di Fenty Music, Buleria for di Aruba i e agrupashon musikal BAS, ku ta konta ku kantantenan strea di Boneiru.

Alabes Fenty Music ta den negoshashon ku un músiko, kual tambe a move basta den farándula aki na Kòrsou. “Ta trata aki di e basista Tarik Römer. Kòmbersashonnan ta basta leu, pa asina e tambe djòin e banda. Pues Fenty Music ta kla kla pa asina bai e ‘next level’, pa asina kue e kaya tene “met beide handen”, e dirigente a duna di konosé. Finalmente Fenty Music ta den studio di grabashon produsiendo 2 piesa nobo pa asina kuminsá den full swing bèk den farándula na Boneiru i tambe Kòrsou, Aruba i Hulanda.

#NEWS #BONAIRE

Related Posts

See All
Featured News
Recent News
Archive
Search By Tags