A tira liña riba Adjatay pa bai O’Vega bèk
TUR loke ku TRENDSZ a publiká durante di e último dianan aki ta kuadra ku e realidat di farándula aktual, rumornan di kaya i moveshonnan ku TA tumando lugá tra’i porta será. Nos tin komprenshon ku sí ta muchu prematuro pa sali konfirmá- laga nos bisa ku tempu ta e mihó maestro.
TRENDSZ a risibí informashon ku a tira liña riba Adjatay pa e bandoná agrupashon musikal Dreams i bai kas bèk serka O’Vega. Ainda por kòrda e dia ku a anunsiá ku ‘Pacho’ lo ta bayendo Dreams, - vershon di kaya- despues di un interkambio di palabra formal ku propietario di O’Vega, te hasta por hasi menshon ku e kosnan no a kaba dje nèchi ei.
‘Pacho’ a drenta den Dreams, i ounke e banda tabata kayente i popular e no a logra su propósito. Aunke ku pa nos mes di Trendsz e’la deklará di nunka no ta entregá. Adjatay ‘Pacho’ Denisia ta un intérprete formidabel, den Festival di Tumba, den Karnaval i tambe den Seú i kualke otro temporada di aña.
Axel Pikero, di otro banda ta un tremendo areglista, un kompositor sin límite ku un agrupashon musikal ku tabata den tòp di popularidat den su promé añanan di eksistensia. Dreams a pone basta estrago, ta di spera ku nan lo por permanesé den farándula bayendo e mia èkstra.
Tabata ayera, ku TRENDSZ a risibí e informashon ku ‘Pacho’ lo a risibí un bon oferta for di O’Vega i ku e ta konsiderando fuertemente pa bai kas bèk.
Trendsz, breaking the entertainment news!
