Nkira konsiderando kolaborashon ku Decoded

Moveshonnan den farándula, ta kontinuá den forma intenso. Nos ta gradisí tur ku ta lesa nos artíkulonan, nos ta tuma nota di algun ‘siguimentu’ tremendo! Esaki semper ta sano i ta tene nos skèrpi. TRENDSZ ta un balansa pa farándula, no tin faboritismo ni tampoko fanatismo.

Informashon ku a yega serka TRENDSZ, ta indiká ku tin un posibel negoshashon tumando lugá entre e popular kantante di Urban Nkira i e kompania di produkshon den farándula lokal ‘Decoded’.

E deliberashon ta pa asina e kantante tambe kuminsá trahá huntu ku ‘Decoded’, manera ta e kaso di vários otro artista, kende ya ta forma parti di e label aki. Mas aleu nos a bin komprondé ku partidonan ya a sinta ku otro na algun okashon, pero e kantante ta pensando duru i largu, promé ku e tuma un desishon definitivo. E echo ku Nkira a bin ta traha ku e label di Gettamilli, ta hasi e situashon un poko difísil pa por yega na un desishon definitivo.

Nkira ta pendiente pa hasi algun kambio den su presentashonnan den farándula, los di e urban scene. Einan tambe, e kantante ku awòki ta moviendo huntu ku AxL & Friends tin un desishon pa e tuma. Ta di ban mira finalmente, kiko ta bai bira e desishon di e kantante.

NOTA:

Promé ku publikashon di e artíkulo aki, nos a tuma kontakto ku Nkira, pero lamentablemente e kantante no a duna nos niun ‘feedback’. Tabata nos deseo di a publiká su vershon/reakshon.

#NEWS

Related Posts

See All
Featured News
Recent News
Archive
Search By Tags