Izaline Calister nombrá komo Ridder in de Orde van Oranje


El a risibí e premio akí for di man di Alkalde di Groningen, Peter den Oudsten na Stathùis di Groningen, residensia di Izaline. Calister ta distinguí su mes komo artista, pa motibu ku mediante su repertorio el a sa di pone un relashon entre muzik tradishonal di su isla natal Kòrsou i Jazz, ku influenshanan Afro- Karibeño, i semper kantá den Papiamentu. Ku esaki el a bira un embahador importante di e kultura kurasoleño na Hulanda i den eksterior. Riba Dia di Rei 2018 Izaline lo presentá ku Diggy Dex i Arnold Veerman, durante e bishita di famia real na Groningen. Esaki lo keda trasmití diréktamente na kanal NOP1 di 10.00 pa 13.00 or.

Izaline Calister a debutá ku su promé álbùm na 2000. Na 2009 el a risibí un ‘Edison’ pa su cd Speransa. Ku su último álbùm Rayo di Lus, Izaline ta sali pafó di su zona komfortabel, den su búskeda pa un kombinashin nobo di elementonan kurasoleño ku un zonido modèrno, uzando elektrónika i muestra. Último añanan Izaline a skor ku basta un par di hit number 1 Den Karibe. Aktualmente Izaline ta presentando algún di e último presentashonnan di su programashon di teater musikal Latin Diva na Hulanda. Den kabamentu di aña tin un cd planiá den koperashon ku Ed Verhoef i Angelo Verploegen.

#NEWS #CURACAO

Featured News
Recent News
Archive
Search By Tags