Quinthony Thomasa vs. Tsean


Tin bes farándula na Kòrsou ta konosé algun trendsetter, Tsean sigur ta un di nan. Un trendsetter ta bira un tópiko, sin ku e hasi nada deliberadamente. Un trendsetter, ta bira notisia sin ku e mes ke tin biaha -bista di fanátikonan ta riba dje i ta kapta tur momentu, ora ku e mes ta den su momentu di goso, di ambiente òf di su arte.

TSean ta un artista asin’ei. E ta disfrutá di loke e ta hasi, entrega su mes kompletu riba esenario i tin bes ku tur konsekuensia ku ta bin kuné. Un video di un fanátiko a subi social media, i TSean a hasi moveshonnan/ akshonnan masha sensual/ erótiko ku a bira un notisia riba su mes.

He eeeee, e promé artista yu di Kòrsou ku ta hinka man den su boxer, di e manera ei.... moveshonnan sèksi, ku ta keda akshoná pa letranan sensual, romántiko i tin bes (skucha nan bon) hopi erótiko. Man a hasi, loke oreanan a skucha.

Usher, Romeo Santos, R Kelly, fayesido kantante Prince i algun mas. Kondenabel? Arte? Tin sierto vibrashon ku un artista ta sinti e momentu ku e ta ‘vibe’ riba su piesa nan. Letra, semper ta akshoná un sierto aktitut... mihó uno ku ta akshoná, sensualidat ku un, ku ta duna agresividat un chèns di manifestá den un fiesta i daña un ambiente na unda tiru i moketa tin chèns di kai. Mester ripiti? Kisas no...

Telefòn den fiesta? Grabashon di fiesta riba social media? Nos ta den un era moderno... Trendsz lo bisa, un aktitut di TSean no totalmente kondenabel- e guy ta un show man. Mester ripiti? Trendsz lo bisa, djis un poko mas nuansa.... E sexy ‘gedoe’ di TSean ta su trademark, es mas fanátikonan den sierto sentido ta sper’e. Mester keda ku rèspèt pa e baidó di fiesta si.

TSean ta un di e poko artistanan ku ta kuida su físika, ta bisti manera artista i ta komportá manera artista tambe. No ta haña TSean kon ku ta den toko òf den Punda ta kana. TSean ta konsiente ku e ta un artista. E tin amor pa fanátiko, ta tuma su tempu pa e fanátiko tambe, no tin schijt- i ta esaki ta loke nan ta gusta di dje tambe.

Pa konkluí; NO.... no mester hinka man den boxer pa bo ta trendsetter... si Abo bai hasié e ta bulgar. Mahoso te hasta. TSean hasié...? Nos ta laga pa Abo mes opina.

#CURACAO #NEWS

Featured News
Recent News
Archive
Search By Tags