Chris Vrolijk ku grabashon nobo na kaminda


TRENDSZ a hiba kombersashon ku Chris Vrolijk, kende ta un kantante arubano, ku tin un produkshon nobo na kaminda. “Bèrdat mi tin un kansion nobo na kaminda. Ta bai ta un kantika ku Chris Kross a traha pa mi i ku letra di Gino Paneflek i ku lo ft ku un persona. E kantika ta bai ta komo solista i mi lo ft un dama, pero ken e dama ta mi lo laga komo un sorpresa. E título di e kansion ta "No namorá", Chris Vrolijk a duna di konosé inisialmente.

Mas aleu tambe e la splika kon e la inisiá su karera i ku kua agrupashon e ta aktualmente. “Tur kos a kuminsá den un chansa, animando un fiesta i asina e oportunidat a bin pa forma parti di ‘Perfect Sound’ un entertainment band, kual su propietario ta yu di e konosido Robert Jeandor. Pues asina eksperensianan a kuminsá bin. Seguidamente mi a saka un piesa ku yama "Baila dushi dushi”, ku ta na spañó i tabata un bon komienso.

Miéntras tantu ku ‘Perfect Sound’, mi tin un kansion ku tin komo título "Adicto na’bo" ku Jeffrey Kelly a skirbi e letranan i Yespy Beat, a traha e ritmo pa mi”, e kantante arubano a sigui splika. Pa loke ta su eksperensianan banda di su agrupashon musikal mes, Chris a splika tambe di a yega di yuda entre otro ‘Upgrade Music, Robert i su solo banda show i Madness Band durante di temporada di Karnaval, pa entretené e públiko. Esaki debí ku e mes gusta e parti di animashon.

#ARUBA #NEWS

Featured News
Recent News
Archive
Search By Tags