La Diva GG huntu ku Ir-Sais den studio di grabashon


"De Panamá” ta nòmber di e guy! Mesora lo bo puntra ta tokante di ken TRENDZS ta relatando? Awèl esaki ta algu ku solamente e konosido kantantenan La Diva GG i Irsais por kontestá- te ainda.

Ta trata aki di nòmber di un piesa nobo ku pronto lo mira lus dia. Huntu ku su videoclip. E piesa kompone dor di Irsais lo keda kombiná Givienca 'Gigi' Clotida. ‘Gigi’ ta konosí pa su hitnan, manera entre otro, ‘Mi Asuntu’ ‘Calculator, ‘Un humilde amor’ i tambe últimamente ‘Bon dia’ huntu ku Buleria.

Miéntras ku Irsais ta konosí pa su hitnan ‘Distansia’, ‘Nada no ta pasando’ i tambe ‘Waya bo bin patras’. Resientemente hasta e kantante ulandes Ronnie Flex a reprodusí, Dream Girl di Irsais.

Pues un kombinashon di bos nobo- pa prome biaha, unda bo tambe lo bai sa mas di e guy ku yamá ‘De Panamá’. 'Gigi' ya ta den studio di grabashon di Dopwell Music na Kòrsou, miéntras ku Irsais ta hasi su parti na Hulanda. Éksito!

#NEWS #NEWRELEASE #CURACAO

Featured News
Recent News
Archive
Search By Tags