VIDEO CLIP: Prinston Paulina i Tsean a graba ‘Primida’


Resientemente TRENDSZ a logra kòmbersá ku Prinston Poulina, konosido rèper yu di Kòrsou ku tabata forma parti di Tony Montana Music. Ta trata aki di artista, konosí tambe, bou di su nòmber artístiko, ‘Elnegroqdomina’, ku ta para pa “El negro que domina”. Prinston Poulina ta e kantante di e track ku mas ‘views’ na Kòrsou- te ku awe, esaki pa e piesa “Bala”, ku a alkansá 23 mion bistaso riba Youtube. Mas aleu tambe e ta kanta ‘Trat’é’ i algun otro hit mas ku Tony Montana Music tabata tin.

E rèper a deklará na TRENDSZ, “Aworakí mi ta bezig ku un karera internashonal na spañó, i dor ku mi ta yu di Kòrsou, mi ta sigui saka algun kansion na papiamentu tambe. E promé ya nos a graba kaba i tambe su videoclip. Esaki unda ami ku ‘T-sean’ ta interpretá e tema “Primida”. E lo sali e luna aki mes.

TRENDSZ a komprondé ku Prinston pronto lo tin un piesa kombiná ku ‘Rahi’, kende tambe ta un eks integrante di ‘Tony Montana Music’”. Prinston Poulina a finalisá bisando, ku e lo tin hopi ft internashonal próksimamente.

#NEWS #CURACAO #NEWRELEASE #VIDEOCLIP

Featured News
Recent News
Archive
Search By Tags