ONE enfokando riba nan meta: Piesa nobo ta kla pa sali
“Nos ta sigui focus riba nos metanan. Despues di e éksitonan manera ‘Slep slùip’ i tambe ‘Un biaha so bo ta biba’, pronto nos lo bai tin mas kos na kaminda”, tabata palabranan Gilbert ‘Dibo’ Doran. Tokante rumornan ku tin relashoná ku e agrupashon musikal i su persona, e’la indiká ku tempu lo bai ta e mihó maestro, pa kontesta tur pregunta.
Dibo D, ta hopi den notisia e temporada aki, hopi fanátiko di GIO ta puntra nan mes, ta dikon e propio yu di Gibi Doran no ta den e formashon nobo di GIO. Aunke ku esaki ta un notisia ku TRENDSZ ya a kubri kaba, e ta keda tòg un interogatorio pa e fanátiko. Pa loke ta su persona mes, ‘Dibo D.’ a duna di konosé, di ta ku man yen di trabou, den kuadro di preparashonnan pa e konsierto unda su persona i Randal Corsen, lo presentá komo e artistanan estelar, djadumingu benidero dia 13 di Mei.
Dibo D a sigui komentá ku, e tinalgun piesa nobo ku ta kla pa sali, pero ta wardando e momentu apropiá pa ‘launch’ nan. “Maxwell, Gilmar i Blaze tambe ta bezig ku grabashon. Loke mi por bisa te ainda ta ku Gilmar lo interpretá e kansion nobo ku ta titulá “Mied'i pega na bo”, miéntras ku sobra sí, ta keda komo sorpresa ainda”.
Dibo D, ta hopi den notisia e temporada aki, hopi fanatiko di GIO ta puntra nan mes, ta dikon e propio yu di Gibi Doran no ta den e formashon nobo di GIO. Aunke ku esaki ta un notisia ku TRENDSZ ya a kubri kaba, e ta keda tog un interogatorio pa e fanatiko.
