Caribbean Combo 5, 6 i 7 di Yüli bèk na Landhuis Brakkeput Mei Mei


Jandino lo ta na Kòrsou pronto atrobe. E biaha aki e no ta bin su so, sino ku tres di su mihó amigunan den e mundu di ‘Stand-up Comedy’. Huntu nan kuater ta forma Caribbean Combo!

Ya ta ocho aña pasá ku e kuarteto kómiko aki a duna un show na Brakkeput Mei Mei.

Aktualmente Caribbean Combo ta hasi un tour den teatronan Ulandes ku nan show nobo nobo yamá ‘ZE ZIJN TERUG!’, ku por sierto ta ‘Sold Out’ rònt Hulanda! Jandino Asporaat, Roué Verveer, Murth Mossel i Howard Komproe tin hopi di konta otro i esei nan ke kompartí ku tur hende! Roué ta puntra su mes dikon Howard ainda no a pèrdè kabei. Howard ta puntra su mes si Jandino porfin ta tuma remedi pa su ‘ADHD’. Jandino ta puntra si Murth ta kla pa yu, i si ta asina, si e ke adoptá esnan di dje. Murth ta puntra su mes si Roué ta felis ainda ku su bida komo hòmber kasá. Den un palabra; Jandino, Roué, Murth i Howard ta bòltu e teatronan na Hulanda, i tambe Brakkeput Mei Mei aki na Kòrsou ku nan meskla eksklusivo di ‘stand-up comedy’, teatro, músika i baile.

Tokante Caribbean Combo

Caribbean Combo ta un grupo di komedia i kabarèt, konsistiendo di e kuater komediantenan ariba menshoná. Na 2010 nan a duna nan promé presentashon yamá ‘DAAR ZAL JE ZE HEBBEN’. E show aki a keda presentá na Kòrsou tambe i tabata ‘Sold Out’ tur dos anochi na Mei Mei. Na 2011 nan tabatin un show yamá ‘DE KERSTSPECIAL’ i na 2012, e último aña ku nan a tour huntu, un show yamá ‘ZE ZIJN ER WEER’.

‘ZE ZIJN TERUG’ lo tuma lugá na Landhuis Brakkeput Mei Mei riba djawebs 5, djabièrnè 6 i djasabra 7 di Yüli i lo kuminsá 8or PM.

#NEWS #CURACAO #EVENTS

Featured News
Recent News
Archive
Search By Tags