Qshans na Kòrsou pa grabashon di su próksimo videoclip (i algu mas!)


E popular kantante Qshans Thode, a pisa suela di Kòrsou. E kantante aktualmente ta residensiá na Europa, pa algun aña kaba. Informashon ku TRENDSZ ta dispone di dje, ta indiká ku 'Shans' su bishita ta unu interesante, i kual lo bai pèrkurá pa bastante atenshon.

Ademas di ta grabando su próksimo video clip komo solista, e lo drenta studio di grabashon tambe ku Dreams pa un featuring ku próksimamente lo keda lansá. Banda di e notisianan alentador aki, TRENDSZ a kompronde ku próksimamente ‘Shans’ lo atendé un reunion ku Gentz.

E tremendo kantante i aktor aki, sigur ta riba ‘lista di deseo’ di kualke agrupashon musikal. Di ayabanda TRENDSZ a komprondé ku ta deseo pa ‘Shans’ duna Dreams un man, aunke e laso amistoso ku e organisashon(nan) di Calister Bros (anteriormente Cache Deluxe/ Royal i awendia Gentz na Kòrsou) por sòru pa un buèlta interesante. 'Shans' sigur ta un kantante ku kualke agrupashon musikal lo ke konta kuné. Qshans tin su estilo úniko i tin numeroso hit riba su nòmber, manera entre otro, 'Serka bo mi mester ta, 'Masa di brasa' i tambe último aki –solo- 'Otro manera'.

TRENDSZ EXCLUSIVE- Behind The Scenes- durante grabashon di Qshans su proksimo videoclip!

TRENDSZ lo bisa, ku farándula a siña nos ku tempu ta e mihó maestro. Pa awor aki nos ta deseá 'Shans' un dushi fakansi i hopi éksito ku e grabashonnan pendiente. Di tur manera si desishon mester kai, TRENDSZ lo ta kontentu di por tin e artista aki bek na kas (pronto) pa aportá na farándula lokal.

#NEWS #CURACAO #NEWRELEASE

Featured News
Recent News
Archive
Search By Tags