Rich Kalash ta surpasa 1 mion views riba 'Ku mi Dios' den 3 luna di tempu


Rich Kalash no tin mester di niun introdukshon mas; yena un klup ku alrededor di 2,000 hende su so despues ku un konsierto a keda kanselá ta sufisiente pa referensia. Awe, tin algu otro ta hala atenshon. Rich Kalash, ta pronto den alkansá 2 mion views riba su videoclip Brothers. Riba un otro videoclip ‘Kumi Dios’ ku a keda lansa 3 luna pasa- den febrüari- Rich tin 1.1 mion views.

Parti di e letranan di ‘Kumi Dios’ ta bisa : “Ami kumi Dios mi’n ta mi so mas...f*ck tur esnan ku a bira lomba. Mientrastantu bo ta papia sèn ta konta...den kaya tin tantu snake i anaconda.... ta p’esei mi ta un guy ku mi prinsipio. B*tch N*gga mi’n ke sa ni nada dibo...” Aunke tòg Kalash su piesanan ta kai den kategoria di eksplísito, no por nenga e influensia ku e kantante di urban aki tin.

  • Brothers : 1.4 mion views (te ku awe...)

  • Motiva Mi Mes : 1.2 mion views (te ku awe...)

  • Ku Mi Dios : 1.1 mion views (te ku awe...)

Ademas, Kalash ta hala atenshon komo un di e artistanan ku ta lòs e tracknan ku bastante fasilidat. Un ora pa otro, fanátikonan ta haña tracknan nobo riba YouTube. Aunke esaki no tur ora ta na bentaha di e artista, pero den kaso di Kalash e ta dominá esaki perfektamente. Rich Kalash feat. Jaido, dia 24 di Mei próksimo lo lansa Bazooka. Ta premirá ku esaki lo ta un otro hit pa e duo ku na diferente okashon a sa di presentá huntu.

#URBAN #CURACAO #NEWS

Featured News
Recent News
Archive
Search By Tags