DREAMS ta sera Akuerdo di Presentashon ku Url Isenia i Daniel De Jongh


Den transkurso di e último simannan aki, siguidónan di farándula i lektornan di TRENDSZ tabata pendiente pa e moveshonnan di e duo- Url Isenia i Daniel De Jongh. No netamente un duo, pero echo ta ku niun di dos no ta move sin e otro. E sinergia ku tin entre Url Isenia i Daniel De Jongh ta pèrkurá pa éksito sin duda- e aktual "E lugar ku bo merese" ta prueba di esaki . Entre e 3 agrupashonnan musikal ku a hasi un intento di aserká/ negoshá ku Url Isenia i Daniel De Jongh tabata figurá agrupashon musikal DREAMS. Mester remarká e manera ketu i profeshonal ku e banda a hiba nan negosiashon; finalmente e dos kabayeronan a disidí ku DREAMS ta ‘pas’ mas ku nan estilo i den DREAMS ta mira mas espasio pa sigui desaroyá nan músika. Ku Url Isenia i Daniel De Jongh DREAMS ta bira riku na kompositor i areglista. Url Isenia i Daniel De Jongh ta djòin Axel Pikero i Quincy Comenencia den e tim di kompositor di DREAMS i ta djòin e frontline ku ya ta konsistiendo di Quincy Biggie i Remy Joss komo base. E promé presentashon ta programá pa otro siman.

TRENDSZ ta deseá nan hopi éksito ku e laso laboral nobo. Pa fanátikonan di SONNOS, e banda lo keda eksistí den totalidat; esaki ta demostrá ku ko-eksistensia ta perfektamente posibel.

#NEWS #CURACAO

Related Posts

See All
Featured News
Recent News
Archive
Search By Tags