E potrèt di DREAMS ta bisa mil palabra!


E banda tin un bon vibe... esei ta loke nos por dedusi for di e foto aki. TRENDSZ a tende ku tabata tin un ‘photoshoot’ i mesora nos a buska pa sá. Awe nos ta dunabo un foto eksklusivo di e seshon di foto ku resientemente a wòrdu hasí di DREAMS, awor ku presentashon spesial di Dan Dan i Url Isenia. E damitanan tin ‘vitamina’ pa wowo ku e frònt nobo di DREAMS i ta premirá ku e aliniashon aki por bai hasi gran impakto.

Remy Joss ta un kantante ku a demostrá di por ‘move’ den tur skina i a demostrá di ta un pilá pa e agrupashon musikal i Quincy “Biggie” ademas di ta areglista i kompositor pa e banda a bin ta desplegá bon trabou den frònt. Dan Dan lo trese hopi dulsura na DREAMS i Url Isenia ta un kantante, kompositor i músiko masha versatil i sumamente talentoso. Fanátikonan ta masha pendiente pa e piesanan nobo di DREAMS. TRENDSZ a kompronde ku e piesa nobo ku presentashon spesial di Qshans, lo ta kla e siman aki! Nos keda pendiente pa e komunikado ofisial di DREAMS. Pa awòki, hopi éksito!

#NEWS #CURACAO #ARUBA #RITMO

Featured News
Recent News
Archive
Search By Tags