Chemsz grabando videoclip pa "Pidi p’abo"


Den transkurso di e último dianan, kosnan a sigui interesante den farándula lokal. No únikamente pa aktividatnan ku a tuma lugá, sino tambe pa e moveshonnan di nos diferente artistanan, Sherman ‘Chemsz’ Francisca, ta next.

TRENDSZ ta na altura ku entre otro, Francisca tabata bastante okupá ku grabashon di su Videoclip nobo, kual pronto tur hende lo por bai haña mira. Ta trata aki, di videoclip di un di su mas resien piesanan, huntu ku agrupashon musikal Vega. “Pidi p’abo” ta título di e kansion aki, ku ya ta hopi solisitá i pronto lo tin su videoclip tambe riba merkado. Un i tur mester ta pendiente, pa asina pronto por bai mira i disfrutá di e clip di "Pidi p’abo", di ‘Chemsz’ i Vega.

TRENDSZ a keda informá, ku ta e intenshon pa e clip sali durante di e promé dianan di luna di yüni 2018, ounke ku no tin un fecha definitivo ainda. ‘Chemsz’, a konfirmá, despues ku inisialmente e no kier a bai den muchu detaye. Finalmente e la konkluí bisando tambe ku lo tin mas videoclip na kaminda.

“Lo bai tin videoclip ta bai sali di mi só tambe. Esaki despues ku nos saka esun di ‘Pidi p’abo’. Miéntras ku tambe mi ta moviendo ku Prinston Poulina. Finalmente mi por konfirmá bèrdat tambe ku huntu ku ‘Golsz’ nos a harma un remix hopi on, ku yama ‘Wine bo body’, ku ta un komposishon di ‘Golsz’. Lo bira un remix ku tambe lo bai tin su videoclip”, e kantante a duna di konosé durante di un kombersashon kòrtiku ku TRENDSZ.

#CURACAO #NEWS #ARUBA

Featured News
Recent News
Archive
Search By Tags