Josh Matos ofisialmente pa Highway Band


Den transkurso di dia nan tras di lomba, TRENDSZ a bin ta sigui algun desaroyo hopi interesante ku ta tumando lugá den nos farándula. Un di e moveshonnan sigur tabata rondó di un entertainment band ku ta gosando di un popularidat grandi den nos farándula. Ta trata aki, di e agrupashon musikal Highway Band.

Nos por a bin ta tuma nota di un kara nobo pa loke ta trata e frònt di Highway Band. Mesora nos a drenta den kontakto ku gerente di e agrupashon musikal. Ta asina ku e gerente a konfirmá pa nos, ku enbèrdat e famia di Highway a bira mas grandi i ku nan frònt, awor ta formá, no únikamente pa Roald i Judienne pero awortambe ta konta ku e talentoso hóben kantante i alabes músiko Josh Matos. [if !supportLineBreakNewLine] [endif]

Josh ta konosí komo un kantante solista i tambe pa diferente ‘feature’ ku el a yega di trese dilanti ku artistanan konosí den farándula. Djis pa hasi menshon di algun di nan’, tin na promé lugá "See you again”, kual ta un ‘cover song’ ku a keda presentá huntu ku Cizzle. Tambe tin "Nothing Really" huntu ku Qshans, i por último, "Perfect" huntu ku Jentje. Pues nos tin sigur ku e paso ku Josh a tuma pa forma parti di Highway Band, lo tin su kosnan positivo kuné, pa ámbos banda. TRENDSZ, ta deseá nan tur klase di éksito.

#NEWS #CURACAO

Featured News
Recent News
Archive
Search By Tags