Ivanhoe 'Skuri' Willems a yega na akuerdo di kolaborashon ku Nastyplay


Un popular kantante, YDK residensiá na Hulanda pa hopi aña kaba, kende tin numeroso hit riba su nòmber, ta den notisia. Ta trata aki di èks kantante di entre otro Giitos i tambe Cache Deluxe i Royale.

Aki TRENDSZ ta referí na Ivanhoe ‘Skuri’ Willems. Despues di algun spekulashon, inkluso informashon ku ya pa algun dia a yegá serka TRENDSZ, tabata awe djamars dia 12 yüni 2018, ku esaki a keda konfirmá.

Tabata den oranan di atardi, durante di e show di é 'Reina di Ambiente', Ruvette Dirksz, ku a bira konosí ku e kantante aki, lo djòin e famia di Nastyplay próksimamente. ‘Ruvi’ a anunsiá esaki, anunsiando tambe ku e propio doño di kurpa a konfirmá e informashon.

Esaki despues ku tabatin diferente oferta riba mesa, tantu aki na Kòrsou komo na Hulanda, pa Ivanhoe. Finalmente ‘Skuri’, a skohé pa aworakí, e ta parti di e famia Nasty, kua lo mester bai keda anunsiá ofisialmente.

Di informashonnan ku TRENDSZ ta disponé di dje mas aleu, ta indiká ku Ivanhoe Willems, lo bai ta enkargá ku e parti di sòru pa komposishonnan, miéntras ku tambe e lo bai fungi na okashonnan speshal, ku e banda. Ku esaki, mesora por menshoná ku e famia di Nastyplay su front, lo bai ta formá pa T-sean, Loui G, Matt i Ivanhoe. Pues kuater di kual kada un ta un, unda sigur lo por bai spera lo máksimo di kada un.TRENDSZ ta deseá nan tur, tur klase di éksito !

#NEWS #LOCAL #RITMO #CURACAO

Featured News
Recent News
Archive
Search By Tags