E promé di Dreams feat. Dan Dan a bai kaya
Daniel De Jongh (Dan Dan), su resiente moveshonnan ku Dreams awe ta keda aksentuá, ora ku e vershon ‘bibu’ di un piesa ya eksistente di Dan Dan kuminsa zona na radio, ku e sabor di Dreams. “Move” ta un komposishon di Daniel De Jongh huntu ku Url Isenia i a keda re-meskla pa Efrem Mambi ku a dun’é e sabor di Dreams. Ámbos kabayero tabata altamente komentá resientemente, ora ku a bira konosí ku nan a drenta den un kolaborashon ku Dreams. E konsepto Dreams ‘starring...’ a kuminsa hasi su promé pasonan. Enrealidat, for di e lansamentu di Dreams feat. Qshans ku e piesa “Ounke b’a bai...” fanatikonan por a haña un aperitif.
Maneho di banda ta komentá ku den e farándula aktual, mester keda kreativo. Dreams ta ketu bai den studio di grabashon ya ku tin mas piesa nobo na kaminda. E frònt di Dreams, tin un base formá pa Remy i Quincy, miéntras awor tambe ta keda fortifiká ku Url Isenia i Dan Dan. Maneho di banda no ta deskartá 1 strea mas den futuro serkano. Awe, Fanátikonan di Dan Dan i di Dreams tin otro piesa dushi pa skucha i disfrutá. Solisit’é na bo radio preferí i keda pendiente pa e promoshonal di Url huntu ku Dreams. Por sigui Dreams riba nan página di Facebook i nan Instagram. Meskos tambe Qshans, riba qshanslive. Ademas, por stream riba ITunes, Spotify, Tidal i Apple Music.
