Jaido i Devi Dev ta lansa nan promé kolaborashon titulá ‘Side Chick’


Ya kaba por a tuma nota di e piesa riba retnan sosial, i su viewsnan riba Youtube ta asombroso. Den apénas 4 dia e videoclip ta alkansá mas ku 50,000 views. No por ta otro ta trata di dos artista urban hopi gustá; Jaido i Devi Dev. Ámbos moviendo bon den e urban scene. Jaido tin diferente piesa zonando aktualmente, un di nan ta ‘Bazooka’ den kolaborashon ku Rich Kalash. Devi Dev tambe ta zonando tremendo ku e piesa ‘Pleita’.

Resientemente e artistanan a drenta studio di produkshon huntu pa kolaborá riba e piesa ritmo ‘trap’, titulá ‘Side Chick’, un produkshon di Ox. E nòmber ta papia pa su mes; ta realidat marga di bida. E kabayero ku tin un ‘side chick’ ta komprondé e tópiko bon. Maske un tópiko sensitivo pa e damanan, tòg e artistanan a ‘tribi’ di kant’é. Di akuerdo ku representante di Decoded, e tópiko ta unu delikado, pero tambe ta e realidat. Ademas di Jaido i Devi Dev su ‘Side Chick’ resientemente Jaido a bolbe kolaborá ku Rich Kalash pa presentá e piesa ‘Manipulami’ ku ya ta konta ku riba 90,000 views riba Youtube den 2 siman. E siman aki e kas di produkshon TopNotch na Ulanda lo lansa un kolaborashon ku Decoded. Pronto lo por divulgá mas di esaki.

Fanátikonan por sigui Jaido, Devi Dev i Rich Kalash riba nan Instagram i SnapChat. Tur artista di Decoded por wòrdu siguí riba e Youtube Channel @decodedofficial. Por stream e piesanan riba iTunes, Spotify, Tidal i Apple Music tambe.

#CURACAO #URBAN #LOCAL #VIDEOCLIP

Featured News
Recent News
Archive
Search By Tags