DjuDjuV ta pasa ofisialmente pa ICONS by Gio


Djuric Virginie a subi social media djasabra pa komunika ku su fanatikonan, di e manera aki;

Un kambio den mi karera artístiko,

Na promé luga semper mi kier gradisí nos Señor Dios pa e talento ku e a duna mi i tambe gradisi'é pa e éksito ku e a laga mi tin ku mi talento. Aki nan mi kier sita tur persona, organisashon i fanátiko ku a kere den mi komo artista.

For di 1998 mi a sa di ehersé mi talento komo kantante di e forma aki:

Di MILband pa NITRO Di NITRO pa MEO MAO Di MEO MAO pa GIO Fuertisimo Di GIO Fuertisimo pa GENTZ Tre'chic

20 aña di rekuerdo i logro nan ku mi no por lubidá ni maske mi haña "verkalking"😜.

Despidiendo di e Famia musikal di GENTZ mi kier a gradisí boso ku nos por a duna otro 3aña di éksito, trahando dushi i great, logrando hopi meta ku lo ta inolvidabel pa mi. (GENTZ Sendé)

Awor di GENTZ Tre'chic pa ICONS by Gio

ICONS by Gio; Mi ke yama bo Danki pa e oportunidat i deseando pa nos ban pa aña nan di legria, positivismo, eksito y logro riba e kaminda ku ta wardando nos, hasiendo nos País Kòrsou, Aruba, Boneiru, Hulanda i Mundu kontentu ku músika.

Atentamente, Djuric "DjuDjuV" Virginie

#CURACAO #RITMO

Featured News
Recent News
Archive
Search By Tags