Tyron De Freitas ta konfirmá su partisipashon den un banda nobo na Kòrsou


Tabata djasabra riba e promé dia di luna di sèptèmber 2018, ku e kantante arubano Tyron De Freitas, a konfirmá su presensia, komo parti di un agrupashon musikal na Kòrsou. ‘Ty’ a yega Kòrsou djabièrnè dia 31 ougùstùs último, pa despues reuní ku gerente di un banda nobo. E reunion aki a tuma lugá riba mesun anochi den un hotèl parti pariba di brùg. [if !supportLineBreakNewLine] [endif]

Despues di e deliberashon, e kantante Arubano, a yega na e desishon di konfirmá su partisipashon, pa seguidamente presentá tambe djasabra ultimo ku Buleria den Club Spoonz. Ta trata aki di e kantante di e hit ‘Regalámi’, ku ta piesa ku e la interpretá ku hustamente Buleria. ‘Ty’ tambe tabata parti di e front di e banda aki. [if !supportLineBreakNewLine] [endif]

Tyron ta konfirmá di lo ta ku un banda na Kòrsou i mesora lo mira aktuashon pa e públiko baidó di fiesta. E konfirmashon ta enserá, entre otro, ku próksimamente pa un temporada largu Tyron lo bai ta na Kòrsou. Esaki en prinsipio pa grabashonnan ku mester tuma lugá, sigui pa e temporadanan di fin di aña, kambio di aña i Karnaval respektivamente. Despues di e periodonan aki lo yega na e desishon definitivo si lo e bin establesé su mes na Kòrsou òf no.

#CURACAO #LOCAL #RITMO

Featured News
Recent News
Archive
Search By Tags