DXBT ta introdusí Xuz i ta lansa ‘Future’


DXBT ta introdusí nan miembro di mas nobo, Xuz. Esaki despues ku Xechell a kuminsa e trayekto pa internashonalisá su mes bou di e nòmber artístiko Bauco. Di akuerdo ku representante di DXBT, esaki ta un desaroyo masha positivo. E hóbennan ta risibí un formashon musikal, pasa dor di e proseso di grabashon den studio, biba eksperensianan nobo di e.o biaha pa eksterior pa presentashon, grabashon di video clip i hasi photo-shoot, pa despues ora ku yega un edat mas grandi sigui ku nan trayekto independiente bou di e maneho di Decoded.

Ku introdukshon di Xuz, ta lansa un single nobo titulá ‘Future’, esaki ta netamente e loke e grupo ta enfoká riba dje tambe. Futuro ta pinta di ta prometedor i DXBT ta probechá tur oportunidat ku presentá. Ademas di introdukshon di miembro i piesa nobo nan ta preparando pa lansa nan EP titulá ‘SRAELLA’ den luna di sèptèmber próksimo tambe. Bon vibrashon i un bon trabou den ekipo aksentuá pa un ‘brotherhood’ semper a duna e resultadonan deseá. E piesa nobo ‘Future’ ta un UK Dancehall Trap produsí dor di Pastor. E videoclip ya ta ‘online’ riba kanal di Decoded. Hóbennan por sigui Denzel, Björne i Xuz- DXBT- riba Snap Chat, Facebook/Instagram: DXBT / DecodedOfficial. Tambe por stream riba iTunes/ Spotify/ Google Play/ Apple Music. Suskribí grátis na SoundCloud, DecodedOfficial i sigui artistanan di Decoded via di nan YouTube Channel: Decoded.

#TEENS #LOCAL #CURACAO #URBAN

Featured News
Recent News
Archive
Search By Tags