Ephrem J lo presentá konsierto lokal bailabel


Hopi t’esnan ku a pa basta aña kaba ta siguiendo pasonan di e artista internashonal Yu di Kòrsou Ephrem J, ku a sa di ta sentro di atenshon na varios konsierto fo’i tera: di Argentina pa Mexico pa Los Angeles te Warshaw, Spaña, Bèlgika i Inglatera. Ku hopi orguyo hopi Yu di Kòrsou por opservá e akogida grandi di Ephrem J pafó di pais, ku ta interpretá su propio komposishonnan i algun “cover” den su estilo úniko. Hopi a puntra, ki dia nan por mira Ephrem J aki na Kòrsou bibu.

Dia 24 di novèmber awo, Ephrem J, riba su fecha natal, lo brinda Kòrsou kompletu un konsierto bailabel. Kansionnan manera “Tu de que vas”, ku por sierto ya tin algun siman ta klòk na prome puesto riba varios kartelera, i otronan manera “Como una oracion” tur lo zona dia 24 de novèmber den District 1850 (antes Bermuda) patras di The Movies na Skalo.

Ya a konfirma Era Outéntiko pa e akto di aperture di e anochi mientras Alexandra (antes Monchi Y Alexandra) tambe lo ta bibu ku su banda direktamente for di Republica Dominicana den e pre-show. Ephrem J mes lo ta ku su banda formá pa músikonan di Samto Domingo y esnan lokal ku sa kompañé durante su giranan internashonal, kantando tur su kansionnan ku durante e ultimo 3 pa 4 añanan aki a zona rònt mundu. Músikonan invitá lo yega Kòrsou ku Sunrise, e transportadó ofisial di e evento, mientras Academy Hotel lo sòru pa un hospedahe komodó.

Riba petishon di hopi, Ephrem J a saka tambe un disko kompakto ku ta optenibel na Mensing i Tik Tak, mientras pa e oudishon internashonal e disko kompakto ta optenibel for di awe na diferente provedor online, manera iTunes, Spotify, Claro Música, Amazon Music. Target Music, Google Play i YouTube Music.

Karchinan Early Bird pa e konsierto bailabel di dia 24 novèmber na rason di NAf. 35 ya ta optenibel na Tik Tak. Pa VIP Single of VIP Table por tuma kontakto ku te. 685.0650.

Lo tin hopi sospresa mas ku durante e simannan benidero lo ser divulgá. Keda pendiente pa esakinan.

#LATIN #BACHATA

Featured News
Recent News
Archive
Search By Tags