A persiguí reportero Peter R. De Vries simannan promé ku ehekut’é

Ministerio Públiko a agregá e kargo di pèrsekushon den kontra di un di e sospechosonan den e kaso di asesinato di reportero di krímen Peter R. de Vries. Segun OM, Kamil E. di 35 aña di edat a persiguí De Vries durante e anochi di dia 23 di yüni despues ku De Vries a partisipá den e programa Boulevard di RTL. E reportero di krímen a risibí tiru fatal. OM a hasi e anunsio aki na e di 3 oudiensia kontra di Kamil E. i e otro akusado Delano G. ku tin 22 aña di edat. Segun OM, Delano G. ta e persona ku a tira, miéntras ku Kamil. E. tabata e persona ku mester a stür e outo na momento di kore for di e sitio despues di asesinato di De Vries. Nan a keda arestá algun ora despues ku De Vries a risibí tiru na Amsterdam miéntras ku e tabata saliendo for di e studio di RTL pa bai na su outo. De Vries a fayesé pa kousa di e herida, 9 dia despues. E notisia di su fayesimentu a kousa un shòk. Kamil. E. A wòrdu gara riba kámara di vigilansia miéntras e ta persiguí De Vries dia 23 di yüni. Grabashonnan a demostrá su persona pasando patras di e studio RTL Boulevard i a sigui De Vries miéntras ku e tabata kana drenta e garashi. Korte di Amsterdam kier un huisio kriminal pa e kaso riba dia 7 i 15 di yüni. E veredikto ta planeá pa dia 7 di yüli. (Fuente NLTimes./ Foto: RTL Boulevard)


Featured News
Recent News
Archive
Search By Tags