Angelique Klooster ‘unplugged’ serka Ruvette un inspirashon sin igual!


Angelique Klooster su presentashon ayera nochi estilo ‘unplugged’ den un paréntesis spesial di e podcast di Ruvette Dirksz tabata unu sin igual. E podcast a keda dediká na e luna di Konsientisashon pa Kanser na Pechu. Manera tur hende sá, luna di òktober mundu henter ta uni pa krea un paréntesis riba ‘Breast Cancer Awareness’. Awe dia 29 di òktober, ta dia pa tur ku ta deseá bisti na e koló ros, di manera ku nan por mustra solidaridat i konvivensia. Ruvette Dirksz presentadó di e podcast, ta komentá ku e edishon aki ta totalmente dediká na inspirashon i pa duna forsa renobá na tur esnan ku ta den e proseso di rekuperashon. Angelique Klooster i su kansionnan tabata perfekto pa e okashon. Mesora e presentashon di Angelique ta marka inisio di un temporada nobo despues ku Ruvette a tuma un luna di pousa. Por sigui tur podcast di Ruvette Dirksz riba su kanal di Youtube.



Featured News
Recent News
Archive
Search By Tags