DAICY-J ta estrena piesa nobo titula "Mi tambe ta hende"

Desiree Janga, miho konosí komo DAICY- J, a lansa ‘Mi tambe ta hende’, na honor di e producer Dorisello ‘Chello’ Ignacio konosí komo Ultrabeatz. Den pasado Ultrabeatz a hasi furor den farándula ku produkshonnan pa entro otro: Caliber, Edsel Juliette, Fransico Pena Y La Banda, Black Joker, Teddo Juice I JR Manuel. E meta di e produkshon aki for di inisio tabata pa Ultrabeatz keda zona i bin bèk ku mas produkshon. Despues di lunas di preparashon Ultrabeatz tabata bezig ku e fase final di e produkshon aki, pero lamentablemente e no por a kaba ku e produkshon pa motibu ku el a fayesé na sèptèmber 2021. Sinembargo e tim di músiko embolbí a disidí pa kumpli ku e deseo di Chelo di saka e piesa pa Ultrabeatz por keda zona.


Despues di ‘Mi Ke Mas’ i ‘Como duele enamorarse’, DAICY- Jta traha huntu ku Ultrabeatz pa e produkshon aki. Mi tambe ta hende ta un tremendo komposishon di TM tonchi Martis. A skohe pa saka e piesa den e forma original. Ultrabeatz ta e producer i mixing engineer di ‘Mi tambe ta hende’.




Featured News
Recent News
Archive
Search By Tags