Dokumentario “Músika Ta Mi Bida” dia 17 Maart


En konekshon ku Dia di Himno i Bandera di Aruba lo presentá e dokumentario riba e bida i importansia musikal i históriko di e kompositor Rufo Wever. Ademas di ta ko-kompositor di e himno di Aruba “Aruba Dushi Tera”, Rufo a komponé 450 komposishon. Rufo Wever tabata un músiko kompleto ku ademas di dominá piano, saksofon, klarinèt, akordion i tur otro instrumento nan rítmiko tabata skirbi partitura pa dokumentá su músika i tabata traha areglo. Ademas Rufo a skirbi partitura i areglo pa hopi otro kompositor nan di e tempu ei ku a keda konservá. Rufo Wever tabata e promé persona na Aruba ku a pone músika pa kaha di òrgel i a hasi esaki pa 33 aña. Músika ta hunga un ròl esensial den e identidat kultural di un pueblo. E ta importante pa e luna kultural i ku Dia di Himno i Bandera pa yuda preservá e identidat kultural. E dokumentario "Músika Ta Mi Bida" ta produsí pa Norman Thijsen i Vivian Wever ku post production di Sky Television. E dokumentario ta bai den aire 17 di Maart 2022 pa 7.00 pm na kanal 23 Nos Isla TV.

Featured News
Recent News
Archive
Search By Tags