Eline de Pool ta lusi na New York Fashion Week

Durante e siman di 11 pa16 di febrüari, fashonistanan por a disfrutá di otro New York Fashion week. Un show di moda, kaminda diseñadonan renombrá tin e oportunidat pa ekshibí nan kolekshon nobo. Hopi ta e modelonan ku ta aspirá di forma parti di e famoso New York Fashion Week aki. Pa nos tabata un plaser di mira un yu di tera, nos Ex MissKòrsou 2013, Eline de Pool modelando pa e diseñado Colombiano Edwing D' Angelo den su Emerge Fashion show den Leman Ballroom. Eline a keda aktivo den e mundo di modelahe i awor ku e ta residensia na New York ta risibí diferente invitashon pa por modelá pa kasnan di Moda internashonal. Banda di modelahe Eline ta aktivo tambe den e mundo di sine.