ERA/Buleria pa selebrá 40 aña di ambiente!



Kuarenta aña tokando huntu no ta wega. Esei ta loke ta e base prinsipal di ERA ku tei selebrá dia 1e di mei próksimo den CWTC, 40 aniversario dje banda. Layo Virginie, Boy Thode, Moises Ramos i Little Leito a kompartí informashon dje tremendo selebrashon ku lo konta ku presentashon di ERA Kariño di 6, ERA Autentiko, ERA 2022, e agrupashon musikal Buleria for di Aruba i dj Argenis Huerta.


Dwight Leoneta, lider di Buleria a indiká ku semper e tabata sigui ERA pa e forma úniko di pone ambiente ku e banda tin. Pa Buleria ta kasi 3 aña pasá ku e banda a presentá den kombinashon ku ERA i pa nan ta un honor di por kompartí tarima ku ERA pa nan di 40 aniversario.Interes pa e fiesta bastante haltu i konosiendo e fanátikonan di ERA nan lo sa di bai selebrá ku e banda den grandi.


Karchinan general ta optenibel na Mensing’s Caminada, 24 uur uit de muur i serka tur músiko di ERA. Pa e sekshon VIP tin karchi los na Mensing’s Caminada i pa mesa VIP bo mester yama 511-3433 pa hasi bo reservashon. Vestuario pa e anochi di selebrashon lo ta ‘All in White’.




Featured News
Recent News
Archive
Search By Tags