Farruko ta anunsiá retiro i dedikashon na músika gospel

Den pleno konsierto riba Dia di Amor i Amistat e famoso artista a bisa su públiko ku nada den e mundo aki ta pa Semper. “Brasa bo yunan, brasa bo pareha i brasa bo famia, pasobra nada na e mundo aki ta eterno,” el a bisa. El a bisa ku e no por nenga ku kosnan tal bai bon, el a logra tur e éksito ku e tabata deseá. Pero ku lágrima na wowo el a pidi pordon i a anunsiá su retiro pa drenta bida Kristian. El a konta kon ku tur e éksito di mundo ku e tabatin i tòch tabata sinti un bashí. Tambe el a bisa di ta hopi arepentí di hopi di e letranan di e kansionnan ku el a interpretá, aunke ku nan a resultá eksitoso, manera Pepas.


“Apesar di fama mi tabata sinti bashí. Hopi biaha mi tabata sera mi kurpa den kamber i puntra Dios di kon mi ta sinti asina. Mi a komprondé ku e bashí ei por wòrdu yena solamente dor di Dios.” P’esei awó e ta bai kuminsá un bida nobo komo Carlos Efrem, kantando músika Kristian. Despues di e mensahe, unda ku e tabata parse un Pastor Kristian, e mester a komplasé su públiko kantando e kansion Pepas, ku a wòrdu hopi kritiká. Resientemente ya kaba e kantante a duna indikashon di e rumbo nobo ku e ta bai tuma, kantando un kansion Kristian. El a bisa ku e tin vários kansion kristian skirbi i tabata spera e momento pa lansa nan i esei ta bai sosodé awó. El a haña apoyo di Ozuna, kende a bisa ku el a tuma e desishon ku e kier, meskos manera vários otro artista. Daddy Yankee tambe a anunsiá resientemente retiro pa dediká tempu na su famia i lo no ta straño si e bai dediká su mes na Dios.




Featured News
Recent News
Archive
Search By Tags