“For Real” e piesa di mas nobo pa ICONS


E dia a yega pa estrená e kansion di mas nobo pa ICONS. Henter siman pasá fanátikonan a keda den suspenso antisipando e piesa interpretá pa HnlY. E kansion titulá ‘For Real’ ta keda estrená awe ku su videoclip riba tur plataforma. “For Real” ta papia di un amor berdadero ku a surpasá tentashon, traba, infidelidat, preshon di sosiedat i hopi mas! Un piesa propisio pa e dia di awe, San Valentino. E kansion ta un komposishon di Hunneley Felicia i un areglo di Jonathan ''Catan'' Carolina. “For Real” kantá pa HnlY sigur lo ta un piesa ku tin tur ingrediente pa resultá otro gran éksito pa ICONS.


Ta invitá fanátiko- i siguidónan pa suskribí na e kanal di ICONS i Decoded riba YouTube. Follow i Like Facebook/Instagram/SnapChat: Icons Curaçao / Decodedofficial. Abo komo fanátiko por yuda bo banda òf artista faborito sigui produsí den e tempu di pandemia ku nos ta bibando – miéntras bo ta keda pendiente pa un evento. Esaki ora ku bo stream kualke piesa. Di e manera aki bo ta ‘show love’ na ICONS. E piesa por wòrdu skuchá na tur radio emisora lokal, i por stream “For Real” riba iTunes/ Spotify/ Tidal/ Apple Music.

ICONS ta felisitá e ganadornan di su kampaña riba social media; nan a gana tremendo premio entre otro un Weekend Stay, un sena romántiko i un Rodizio Buffet di Amazonia. Ya kaba ICONS a tuma kontakto ku nan pa nan por risibí nan premio. Riba fotonan athunto parti di e grabashon di e videoclip “For Real”.

Music Video: https://Icons.lnk.to/ForRealVID

Featured News
Recent News
Archive
Search By Tags