Ir Sais i TCB ta invitá Mike Bahia, Konshens i Farina Pao pa Boneiru


BON// Riba invitashon di Ir Sais i den kooperashon ku gobièrnu di Boneiru i Tourism Corporation Bonaire (TCB), Boneiru a yama bon bini na e artistanan Mike Bahia, Konshens i Farina Pao huntu ku nan team di ‘management’ pa un proyekto importante ku ta na kaminda. Esaki komo parti di e akuerdo di kolaborashon ku resientemente a keda firmá ku Ir Sais. Ir Sais a nase i lanta na Boneiru den e bario di Tera Cora. E tin un hit ku mundialmente a bai viral bou di e título ‘Dream Girl remix’, cu mas di 284 mion ‘view’ riba YouTube. Den lus di e akuerdo di kolaborashon ku Ir Sais cu resientemente a keda anunsiá, TCB a yama bon bini na e artista internashonal Konshens, un artista Jamaiquino di ‘dancehall’ ku den añanan 2010 a aparesé den desénas di komposishon popular di ‘dancehall’ i e rèper Colombiano Farina Pao, pa traha riba un proyekto ku ta na kaminda. Michael Egred Mejia, konosí bou di su nòmber artístiko Mike Bahia, ta un kantante i manehando di empresa Colombiano. E ta prinsipalmente konosí pa motibu di su kansionnan ‘Estar Contigo”, “Buscándote”, “La Muñeca” i su komposishon mas resien “Amantes”, huntu ku Greeicy Rendón. Na nòmber di gobièrnu di Boneiru diputado Hennyson Thielman a bisa: ‘Nos ta sumamente orguyoso di Ir Sais, un artista lokal ku mundialmente ta haña rekonosementu i ku ta promové Boneiru rondó mundo ku su músika. Nos vishon pa turismo ta pa promové Boneiru su outentisidat, ku partisipashon di nos hendenan na turismo i Ir Sais ta e embahador ideal pa e konsepto aki. Pa medio di invitá e artistanan aki pa traha huntu ku n’e na Boneiru e ta demostrá e parti multifasetiko i e diversidat di nos isla. Nos ta yama danki na Ir Sais pa e inisiativa importante aki.’



Featured News
Recent News
Archive
Search By Tags