Jeon i Kevv ta lansa remix di “M’a Lag’e Kaya”


Ken por a kere ku un simpel video di Tik Tok ku a wòrdu publiká riba retnan sosial –awe a bira un remix i un videoclip! E storia kon e artistanan aki a yega na graba e kansion ta unu remarkabel. No ta hopi tempu pasa Kevv a post riba su Tik Tok cu un simpel guitara su vershon di M’a lag’e Kaya, un kansion ya konosí di Jeon su albùm Biggy Boy Forever. Jeon un dia direpente a risibí hopi mensahe kaminda vários persona a indik’é pa e wak e video ku Kevv a publiká riba su Tik Tok personal. Ora ku Jeon a bin topa ku e video aki, e la gust’e asina hopi ku e la komuniká ku Kevv i bisé pa nan kolaborá riba e kansion huntu i traha un remix di dje. Den un forma hopi spontanio e videoclip a wòrdu grabá na Rincon na Boneiru. Jeon a bula bai Boneiru 16 di Mart mainta trempan kaminda e la topa ku Kevv i pasando den barionan di Rincon a bin topa un kaminda hopi spesial i nan a disidí esei lo ta e lokashon pa e clip.

Related Posts

See All
Featured News
Recent News
Archive
Search By Tags