Justin Bieber ta ofresé terapia grátis pa Salú Mental di su fanátiko i empleadonan

(TMZ) - Justin Bieber ta ofresiendo terapia online na miónes fanátiko i na e sentenáres di empleado ku ta trahando riba su tour mundial i e ta pagando miónes pa proveé e servisio aki. Justin Bieber a anunsiá ku el lo bira partner ku plataforma BetterHelp, bisando “algu ku mi a siña durante e añanan ta ku nos tur tin momentonan haltu i abou. Nos tur tin mester di judansa.” Justin a bisa ku su fanátikonan ta haña un luna di terapia grátis pa nan mes, òf por kompartí esaki ku nan amistat òf famia den nesesidat, tambe el a bisa ku e lo ofresé 18 luna di terapia grátis pa su ekipo di mas di 250 persona ku ta trahando riba e tour. BetterHelp, kual ta e servisio di terapia mas grandi mundialmente a bisa ku e servisionan ku Bieber ta ofresiendo ta kosta por lo ménos 3 mion dollar. Durante su konsierto luna pasa na L.A, Justin a ekspresá “E tour aki ta tokante unidat, e ta pa nos tur uni i bisa otro ‘mi stimabo sin importá kon bo ta mustra físikamente ni di unda bo ta bin’ i mi ta kere ku esaki tin hopi poder den dje.”