Karol G ta ‘pose’ riba portada di Vogue sin makiahe

Sinti nos kómodo manera realmente nos ta, ta algu ku hopi di nos ta bringa ku n’e tur dia, segun Karol G. Mirando ku e la disidí di sali riba portada di Vogue práktikamente sin niun makiahe riba e portada nobo di revista Vogue México i Latinoamérika den e edishon di Mart. Kada biaha ta mira mas di e karanan konosí ku ta pose sin filter riba intagram. Pero Karol G (Bichota) a bai mas leu dor di hasi esaki den su promé portada di e revista Vogue, unda ku e ta aparesé ku kasi nada di makiahe. E kantante Colombiana a disidí pose pa un seshon di foto i ta hasi nos tur kòrda ku un di su éksito nan ta su apariensia. Esaki ta un desishon ku e la tuma i ku e’la splika tambe na momento ku e tabata hasiendo e seshon di potrèt pa e portada. Asina mi a disidí di sali : Poko makiahe simpel i natural. Segun Karol G den e kaso aki e tabata ke pa su naturalesa papia pa su mes unda ta ilustrá su forma di pensa, éksito di su trabou, di su músika i e siguridat ku tabata algu hopi difísil konstruí ku e añanan su dilanti. Ban balorá ken nos ta, i no kon nos ta mustra.


Featured News
Recent News
Archive
Search By Tags