LEGENDADDY, lo t’e ultimo pa Daddy Yankee
Daddy Yankee a anunsiá fin di su karera. Esaki a sosodé fin di siman ultimo mediante un video riba su website. Den e video aki e’la gradisí su fanátikonan i tambe e’la anunsiá su produkshon di mas nobo titulá LEGENDADDY. E produkshon lo tin aksènt musikal rekoriendo henter su karera, ku ya kaba ta data 32 aña. Daddy Yankee pionero den e mundu di Reageaton a bin ta mantené su mes ‘fresh’ i den tòp di popularidat. E tin 11 aña sin saka un albùm. LEGENDADDY lo konta ku un gira, ku asombrosamente no ta inkluí su pais natal Puerto Rico (ainda). Artistanan den su género a subi instagram den fin di siman ultimo pa felisitá e legendario kantante i pa demostrá apresio i atmirashon.
Atmirashon.... E kantante puertorikeño Ramon Ayala, konosí mundialmente komo Daddy Yankee, a produsí 8 albùm den studio, 2 live. Den su karera di 32 aña e’la risibí 148 premio for di 484 nominashon. Di nan; 80 Billboard Latin Music Awards, 28 Latin Grammy Awards, 22 Latin American Music Awards, 15 Billboard Music Awards, 9 American Music Awards, i 4 Grammy Awards. E’la risibi 30 Billboard Latin Music Awards, 8 Billboard Music Awards, e mas tantu risibi pa kualke artista den historia, 6 Latin Grammy Awards, 4 Latin American Music Awards, i 3 American Music Awards. (Fuente: Wikipedia)
