Petishon pa saka Kanye West for di Coachella 2022



E konstante komentarionan negativo i videonan ku Kanye West tabata subi último lunanan riba Instagram kontra su èks kasá i otro selebridat tin konsekuensia pe artista. Kanye West (Ye) su partisipashon den Coachella ta na peliger, despues ku e la bolbe ataká Kim Kardashian i su frei nobo Pete Davidson i tambe presentadó Trevor Noah riba Instagram. Pa esaki ya a sera su perfil di Instagram pa 24 ora i e'la wordu saká for di e line-up di Grammys. Awor ta e organisashon Change.org a kuminsá ku un petishon di firma pa saka e rèper for di e lista di artistanan ku mester presentá den Coachella i ya nan tin kasi 30 mil firma. Ye su presentashon ta planiá pa riba e di tres dia di e festival ku ta tuma lugá den luna di Aprel próksimo. (Photo Credit: BBC)

Featured News
Recent News
Archive
Search By Tags