Albùm nobo di Selena Quintanilla lo keda lansá na Aprel

Atenshon na tur fanátiko di Selena! Dia 31 di mart próksimo ta kumpli 27 aña ku Selena Quintanilla a keda kruelmente asesiná. Apesar di su ousensia, e Reina di Tex-Mex a keda relevante, pa motibu di su kantika i su ikóniko ‘look’nan ku a pasa di generashon pa generashon. Abraham Quintanilla a divulgá ku e albùm nobo lo sali na benta posiblemente dia 16 di aprel, fecha riba kual Selena lo a kumpli 50 aña. E ruman hòmber di Selena, músiko i produktor A. B. Quintanilla a kolaborá ku su ruman muhé, Suzette ku tambe a partisipá den e diseño di e cover pa realisá e produkshon aki. Despues di 27 aña ousente ketu bai públiko ta disfrutá di e kansionnan di Selena!

Selena ta un ikóno di berdat! Su estilo i su musika a pasa e test di tempu. E lo a kumpli 50 aña, e aña aki.