Prinston Poulina tin ku bai 4 aña será



E konosido rèper i artista urban Prinston Poulina, kreador di e hit mundial ‘Bala’ – huntu ku Tony Montana- ku riba YouTube a surpasá mas di 32 mion views a keda kondena na 4 aña di prisòn. Hues a hañ’e kulpabel di atrako na 3 okashon den aña 2021 ku ta inkluí un robo di mas ku 40 mil florin. Esaki a bai den forma di atrako/ ladronisia di kaha fuerte. Prinston a splika den korte, ku e ta aseptá su envolvimentu, i ku ya kaba e tin intenshon serio di kambia su bida i bira testimonio pa otro hóbennan. E ta bisa hues ku pandemia a resultá hopi difísil ya ku no tabata tin entrada finansiero pa e komo artista. Tambe e ta splika ku ya e tin 22 kansion skibi pa konsientisa otro hobennan.


Prinston Poulina tin hitnan manera : Sendelly (huntu ku Randy Leroy), Primida (huntu ku TseaN), Pacatan. Su ultimo entrevista tabata den e Podcast ku Ruvette Dirksz aña pasá.




Related Posts

See All
Featured News
Recent News
Archive
Search By Tags