Stanley Clementina x Jayh Jawson ‘Mijn Only’


Pa promé biaha dos titan di músika karibense na Hulanda, Stanley Clementina i Jayh Jawson, ta uni forsa den un kolaborashon maestral titula ‘Mijn Only’. E kantika ta un deklarashon di amor na e persona speshal den nos bida, unda ta eksaltá salta su balor inkomparabel despues di a konkistá tur reto i prueba.

Stanley Clementina i Jayh Jawson tin un amistat di basta aña, unda semper nan por filosofiá di bida i alabes dialoga riba desaroyonan den e industria di mú


sika. Anteriormente, e dos artistanan nunka a kolaborá ku otro komo vokalista, pero esei a kambia ku ‘Mijn Only’. Porfin a yega e momentu pa deleita nos ku un kolaborashon unda tur dos su estilo musikal ta keda kombiná. Si Stanley a areglá i produsí diferente kantika pa Jayh, kual lo keda lansá de futuro serkano. Aña pasa, Jayh a saka ‘Wowo Sera’, e promé hit di diferente produkshon ku nan a kolaborá riba dje.

Stanley ya a establesé su mes komo un pionero di kompa na papiamentu i ta konosí pa su produkshonnan ku diferente artista den e genero di Afro Beat. Na 2021, Stanley a drenta den studio ku artistanan hulandes konosí manera Ronny Flex i Jonna Fraser i asta gana un ‘Gouden Award’ ku Frenna pa su kantika ‘Ghetto Youth’. Tambe Stanley a produsí ‘Kòrsou ta dushi’ i tambe ‘Deep Down’ pa e banda K’Ribe. Na mart di 2021, den un intento pa tene tur hende anima durante e ‘lockdown’ kousa pa e pandemia di COVID-19, Stanley i varios amigu músiko a hasi un presentashon virtual titula Trans-Atlantic Connection’. Durante e espektákulo musikal aki, artistanan manera kantante Clifton End, Qushannick ‘Qshans’ Thode i rapper i bailarin Remses ‘MuisjeMuis’ Rafaela a duna un presenta inolvidabel.

Kolaborashon ku Jayh Jawson

Kantante Jayh Jawson ta konosí pa su estilo sensual i romántiko, unda e ta kombiná R&B, Hip Hop i músika karibense. Pa mas ku un dé


kada, Jayh ta deleitando nos ku varios hit entre otro ‘Mijn Baby’, ‘Mooie Dag’, i ‘Volgende Stap’. Na 2011, Jayh ta firma ku label hulandes Top Notch i ta debuta su promé álbum titula ‘Jayh Jawson’. Na 2014, Jayh ta lansá su propio label Avalon ku su rumannan i ta firma diferente artista manera Zefanio. Tambe Jayh ta sigui traha su mes produkshonnan manera ‘Ik heb Je’, ‘Hoe laat’ i e mega hit ‘Ballon’ ku Broederliefde. Tabata un reto agradabel pa Stanley kombiná e estilo romántiko di R&B ku Jayh ta konosí p’e, huntu ku e ritmo melódiko i sensual di Kompa. Stanley a sera su mes den su studio i despues di algun tempu, a manda e kantika pa Jayh. Stanley ta atmití di tabata yen di antisipashon, ya ku Jayh por ta krítiko ora e ke krea bon músika. Pero Jayh a gusta e melodia i areglo di ‘Mijn Only’ mesora i huntu, Stanley ku Jayh a kaba e teksto di e kantika. E resultado final ta un homenage na amor berdadero, perfekto pa tur namorado. “Pami ta un honor pa kolaborá ku un bon amigu, ku alabes ta konsiderá e ‘Godfather’ di músika urbano karibense na Hulanda,’ Stanley a deklará finalmente.

Pidi pa ‘Mijn Only’ na tur radio popular of kanal di televishon i chèk e video clip riba e kanal di YouTube di Stanley Clementina.

Tambe por akudí na e página sosial di Stanley Clementina na Facebook.com/stanley.clementina i Instagram @stanleyclementina. Pa informashon di Jayh Jawson chèk su Instagram @jayh_jawson of akudí na Avalon@avalonmusic

Featured News
Recent News
Archive
Search By Tags