Will Smith ta dal Chris Rock un 'wanta' den pleno Oscars 2022



E aktor Will Smith, nominá pa un Oscar den kategoria miho aktor pa su papel den ‘King Richard’, e pelíkula ku ta relatá e bida di e Tata, di Serena i Venus Williams a marka historia na televishon. Will Smith a subi esenario i sorpresa tur hende ora ku e’la dal komediante/ aktor Chris Rock un ‘wanta’ den pleno Oscars. Esaki na momentu ku Chris Rock a hasi un mal joke tokante di e kabei di Jada Pinkett-Smith, bisando “Jada, can't wait for GI Jane 2," i asina hasi bofon di su lucha ku Alopecia ku ta un enfermedat ku ta ponebo pèrdè tur kabei. Will Smith, no a gusta ku Chris Rock a hasi e ‘joke’ aki, sigur no despues ku Jada a konta mundu i su siguidónan tokante di esaki. Jada Pinkett-Smith, mes klaramente a mustra desepshona i desapunta den e komentario di Rock. Mesora -despues di e inisdente-a kòrta e señal di televishon i a sera e mikrófono di Chris Rock. Sinembargo, internashonalmente si e señal a keda den aire i por a mira kon klaramente Will Smith a bisa; "Keep my wife's name out of your m**f** mouth."


Denzel Washinton i Tyler Perry a kalma e aktor durante un korte komersial. Despues di algun momentu, Will Smith a bolbe subi esenario, pero e biaha aki tabata pa risibí e promé Oscar di su karera. Den su ‘speech’ e’la pidi un diskulpa i a bisa, ku e ta spera ku e Akademia di sinematografia bolbe invit’é den futuro. (Fuente AP)


E momentu sin sensura...



Featured News
Recent News
Archive
Search By Tags